Madridning “Real” klubi bosh murabbiyi Karlo Anchelotti fransiyalik hujumchi Kilian Mbappening “Santyago Bernabeu”dagi debyuti haqida gapirdi.
Eslatib o‘tamiz, 25 avgust, yakshanba kuni poytaxt klubi o‘z maydonida “Valyadolid”ga qarshi bahs olib boradi.
“Bu Mbappe uchun juda yaxshi kun bo‘ladi, chunki u birinchi marta “Real Madrid” libosida "Bernabeu"da o‘ynaydi.
Muxlislar undan juda xursand. Uning o‘yin sifatini inobatga olsak, u yaxshi o‘yin ko‘rsatadi va bu muxlislarga yoqadi", - deya Anchelottining so‘zlarini keltiradi Madrid klubi matbuot xizmati.
