"Manchester Siti" bosh murabbiyi Pep Gvardiola klubning transfer bozoridagi rejalari haqidagi savolga javob berdi.
Yaqinda yarim himoyachi Ilkay Gyundogan "shaharliklar" safiga qo‘shildi va "Barselona"dagi bir mavsumdan so‘ng qaytdi. Gvardiolaning so‘zlariga ko‘ra, 33 yoshli germaniyalik kelganidan keyin hech qanday sotuv bo‘lmaydi.
“Hamma qoladi. Bizda tarkibning chuqurligi yo‘q - bizda bor-yo‘g‘i 19, 20 yoki 21 o‘yinchi bor. O‘yinlar ko‘p, hamma jang qilishi kerak bo‘ladi", - deya ispan bosh murabbiyining so‘zlarini keltiradi City Xtra.
