"Real Sosyedad"ning ispaniyalik yarim himoyachisi Mikel Merino Londonning "Arsenal" klubiga o‘tishga yaqin turibdi, bu haqda jurnalist Fabrisio Romano ijtimoiy tarmoqlar orqali xabar bermoqda.

Insayder xabariga ko‘ra, 28 yoshli futbolchi Angliya poytaxtiga uchib ketgan va tibbiy ko‘rikdan muvaffaqiyatli o‘tgan. Ayni damda klublar transferning yakuniy tafsilotlarini kelishib olishmoqda. Bitim summasi 32 million yevroga baholanmoqda. Merino "kanonirlar" bilan to‘rt yillik mehnat shartnomasi imzolaydi.

O‘tgan mavsumda Mikel 45 ta o‘yinda maydonga tushib, 8 ta gol va 5 ta golli uzatmaga mualliflik qilgan.