"Реал Сосьедад"нинг испаниялик ярим ҳимоячиси Микель Мерино Лондоннинг "Арсенал" клубига ўтишга яқин турибди, бу ҳақда журналист Фабрицио Романо ижтимоий тармоқлар орқали хабар бермоқда.

Инсайдер хабарига кўра, 28 ёшли футболчи Англия пойтахтига учиб кетган ва тиббий кўрикдан муваффақиятли ўтган. Айни дамда клублар трансфернинг якуний тафсилотларини келишиб олишмоқда. Битим суммаси 32 миллион еврога баҳоланмоқда. Мерино "канонирлар" билан тўрт йиллик меҳнат шартномаси имзолайди.

Ўтган мавсумда Микель 45 та ўйинда майдонга тушиб, 8 та гол ва 5 та голли узатмага муаллифлик қилган.