Seshanba kuni Londonning "Arsenal" jamoasi o‘z safiga Mikel Merino kelib qo‘shilganini rasman e’lon qildi. "Kanonirlar" bosh murabbiyi Mikel Arteta ushbu transfer haqida fikr bildirdi.
"Mikel - o‘z tajribasi, ko‘p qirraliligi tufayli bizga ajoyib sifat olib keladigan futbolchi. U bir necha mavsum davomida klub va xalqaro miqyosda o‘yinning eng yuqori pog‘onasida o‘ynadi. Mikel o‘zining texnik qobiliyatlari, shuningdek, kuchli va ijobiy xarakteri bilan jamoamizni sezilarli darajada kuchaytiradi. Yozda hammamiz ko‘rganimizdek, Mikel ham g‘olib va uning Yevropa chempionatidagi kuchli o‘yinlari Ispaniyaga turnirda g‘alaba qozonishga yordam berdi. Biz Mikel va uning oilasini klubda kutib olishdan xursandmiz va u bilan hamkorlik qilishni intiqlik bilan kutamiz", - dedi Arteta "Arsenal" matbuot xizmatiga.
Eslatib o‘tamiz, Merinoning sobiq klubi "Real Sosyedad" edi. U 2018 yildan beri u yerda o‘ynab kelayotgandi.
