Сешанба куни Лондоннинг "Арсенал" жамоаси ўз сафига Микель Мерино келиб қўшилганини расман эълон қилди. "Канонирлар" бош мураббийи Микель Артета ушбу трансфер ҳақида фикр билдирди.

"Микель - ўз тажрибаси, кўп қирралилиги туфайли бизга ажойиб сифат олиб келадиган футболчи. У бир неча мавсум давомида клуб ва халқаро миқёсда ўйиннинг энг юқори поғонасида ўйнади. Микель ўзининг техник қобилиятлари, шунингдек, кучли ва ижобий характери билан жамоамизни сезиларли даражада кучайтиради. Ёзда ҳаммамиз кўрганимиздек, Микель ҳам ғолиб ва унинг Европа чемпионатидаги кучли ўйинлари Испанияга турнирда ғалаба қозонишга ёрдам берди. Биз Микель ва унинг оиласини клубда кутиб олишдан хурсандмиз ва у билан ҳамкорлик қилишни интиқлик билан кутамиз", - деди Артета "Арсенал" матбуот хизматига.

Эслатиб ўтамиз, Меринонинг собиқ клуби "Реал Сосьедад" эди. У 2018 йилдан бери у ерда ўйнаб келаётганди.