"Chelsi" Ayven Touni uchun qancha to‘lashi kerakligi ma’lum bo‘ldi.

Oldinroq London klubi "Brentford" hujumchisi transferi ustida ish boshlagani haqida xabar berilgandi.

The Telegraph nashrining yozishicha, “asalarilar” shartnomasi kelasi yili yakunlanadigan futbolchini 50 million funtga baholamoqda. Touniga “Al-Ahli” ham qiziqish bildirmoqda – Saudiya klubi bonuslar bilan birga taxminan 42 million funt taklif qilgan.

"Chelsi" "Brentford"ga kerakli miqdordan kamroq pul taklif qilishni rejalashtirmoqda va futbolchiga Saudiya klubi bergan maosh bilan taqqoslanadigan maosh to‘lay olmaydi. Biroq, Ayven London jamoasida "Brentford"dagidan ko‘ra ko‘proq maosh olishi mumkin.