"Челси" Айвен Тоуни учун қанча тўлаши кераклиги маълум бўлди.
Олдинроқ Лондон клуби "Брентфорд" ҳужумчиси трансфери устида иш бошлагани ҳақида хабар берилганди.
The Telegraph нашрининг ёзишича, “асаларилар” шартномаси келаси йили якунланадиган футболчини 50 миллион фунтга баҳоламоқда. Тоунига “Ал-Аҳли” ҳам қизиқиш билдирмоқда – Саудия клуби бонуслар билан бирга тахминан 42 миллион фунт таклиф қилган.
"Челси" "Брентфорд"га керакли миқдордан камроқ пул таклиф қилишни режалаштирмоқда ва футболчига Саудия клуби берган маош билан таққосланадиган маош тўлай олмайди. Бироқ, Айвен Лондон жамоасида "Брентфорд"дагидан кўра кўпроқ маош олиши мумкин.
