"Barselona" Ispaniya chempionatining dastlabki uchta o‘yinida uchta g‘alabaga erishdi va bu Kataloniya klubining so‘nggi olti yildagi chempionatdagi eng yaxshi startiga aylandi. “Barselona” oxirgi marta 2018/2019 yilgi mavsumda La Ligani bunday muvaffaqiyatli boshlagan edi. O‘shanda klubni Ernesto Valverde boshqargan.
Qizig‘i shundaki, jamoa mavsum boshida o‘tkazgan uchta uchrashuvning barchasida bir xil - 2:1 hisobida g‘alaba qozongan. Ular “Valensiya”, “Atletik” va “Rayo Valyekano”ni mag‘lub etishdi, Ispaniya chempionatining navbatdagi turida “Barselona” yuqori divizionga qaytgan “Valyadolid” bilan o‘z maydonida o‘yin o‘tkazadi.
