"Барселона" Испания чемпионатининг дастлабки учта ўйинида учта ғалабага эришди ва бу Каталония клубининг сўнгги олти йилдаги чемпионатдаги энг яхши стартига айланди. “Барселона” охирги марта 2018/2019 йилги мавсумда Ла Лигани бундай муваффақиятли бошлаган эди. Ўшанда клубни Эрнесто Вальверде бошқарган.
Қизиғи шундаки, жамоа мавсум бошида ўтказган учта учрашувнинг барчасида бир хил - 2:1 ҳисобида ғалаба қозонган. Улар “Валенсия”, “Атлетик” ва “Райо Вальекано”ни мағлуб этишди, Испания чемпионатининг навбатдаги турида “Барселона” юқори дивизионга қайтган “Вальядолид” билан ўз майдонида ўйин ўтказади.
