"Barselona" yarim himoyachisi Frenki de Yong Federiko Valverde bilan to‘qnashuvda jarohat olib, to‘rt oy davomida safdan chiqdi. Qayta tiklash uchun olti hafta kerak bo‘lishi kutilgan jarohat jiddiyroq bo‘lib chiqdi.
RAC1 nashri ma’lumotlariga ko‘ra, de Yong to‘pig‘i bilan bog‘liq muammolarga duch kelishda davom etmoqda. O‘tgan oyda deyarli hech qanday yaxshilanish kuzatilmadi va agar futbolchi to‘pig‘iga qo‘shimcha yuk qo‘yishga qaror qilsa, qaytalanish xavfi yuqori.
O‘zining eng yaxshi formasiga qaytish uchun De Yong jarrohlik amaliyotini o‘tkazishi kerak bo‘ladi, buning natijasida u bir necha oyni o‘tkazib yuboradi. Biroq hozircha futbolchi konservativ davoni tanlagan va sentyabr oyi oxirigacha maydonga qaytishi kutilmoqda.
