"Барселона" ярим ҳимоячиси Френки де Йонг Федерико Вальверде билан тўқнашувда жароҳат олиб, тўрт ой давомида сафдан чиқди. Қайта тиклаш учун олти ҳафта керак бўлиши кутилган жароҳат жиддийроқ бўлиб чиқди.
RAC1 нашри маълумотларига кўра, де Йонг тўпиғи билан боғлиқ муаммоларга дуч келишда давом этмоқда. Ўтган ойда деярли ҳеч қандай яхшиланиш кузатилмади ва агар футболчи тўпиғига қўшимча юк қўйишга қарор қилса, қайталаниш хавфи юқори.
Ўзининг энг яхши формасига қайтиш учун Де Йонг жарроҳлик амалиётини ўтказиши керак бўлади, бунинг натижасида у бир неча ойни ўтказиб юборади. Бироқ ҳозирча футболчи консерватив давони танлаган ва сентябрь ойи охиригача майдонга қайтиши кутилмоқда.
