Musobaqaning ilk kuni doirasida olti nafar hamyurtimiz bahslarga kirishmoqda.

Suzuvchilarimiz Muzaffar Tursunxo‘jayev hamda Kirill Pankov S13 klassida 100 metr masofaga batterflyay usulida suzish dasturi saralashida ishtirok etib, final yo‘llanmasini qo‘lga kiritishdi. Mazkur dasturda ishtirok etgan yana bir hamyurtimiz — Islam Aslanov esa saralashdan o‘ta olmadi.

Shuningdek, ayollar o‘rtasida S13 klassida 100 metr masofaga batterflyay usulida suzish dasturida ishtirok etgan hamyurtlarimiz Muslima Odilova hamda Shohsanam Toshpo‘latova mos ravishda 2 va 3-o‘rinlarni egallab, final chiptasini hal qildi.

Suzish bahslaridagi vakillarimiz ishtirokidagi finallar 23:00 dan so‘ng boshlanadi.