Argentinalik hujumchi Lionel Messi “Inter Mayami” mashg‘ulotlariga qaytdi, deb xabar bermoqda Amerika klubi matbuot xizmati.

37 yoshli argentinalik futbolchi oxirgi marta 15 iyul kuni Kolumbiya jamoasiga qarshi Amerika kubogi finalida maydonga tushgan (1:0). Shundan so‘ng Messi to‘pig‘idan olgan jarohati sabab "Inter Mayami"ning 7 ta uchrashuvini o‘tkazib yubordi.

Shu tariqa, Messi 1 sentyabrga o‘tar kechasi (Toshkent vaqti bilan) MLS muntazam chempionatida “Chikago Fayr” bilan o‘yinda ishtirok etishi mumkin.