Bitta bronza hal qildi. O‘smirlarimiz Osiyo chempionatini umujamoa hisobida ikkinchi o‘rinda yakunlashdi.

Koreya Respublikasining Mungyong shahri mezbonlik qilayotgan dzyudo bo‘yicha kadetlar o‘rtasidagi Osiyo chempionati o‘z yakuniga yetdi.

Bugun o‘rta va og‘ir vazn toifalarida g‘olib va sovrindorlar aniqlandi. Ikki kunlik bellashuvlar yakuniga ko‘ra, O‘zbekiston o‘smirlar terma jamoasi 6 ta oltin, 4 ta kumush, 6 ta bronza, jami 16 ta medal bilan umumjamoa hisobida Koreyadan so‘ng ikkinchi o‘rinni egalladi.

Mezbonlar bizdan faqatgina bitta bronza ko‘p jamg‘arganlari hisobiga birinchi bo‘lishdi. Oltin va kumush medallar ikki davlat terma jamoalarida bir xilda bo‘ldi.

Osiyo chempionatida shohsupaga ko‘tarilgan dzyudochilarimiz:

Oltin medallar
-40 kg: Dinara Hasanova
-44 kg: Dilnoza Hamitova
-50 kg: Xushnudbek Burhonov
-60 kg: Muhammad Masharipov oltin
-63 kg: Nigina Saparboyeva
+70 kg: Zarina Bobonazarova

Kumush medallar
-52 kg: Nigina Umirzoqova
-55 kg: Muhammad Nosirov
-60 kg: Bahrom Asadov
-66 kg: Umirzoq Qurbonmurodov

Bronza medallar
-48 kg: Nargiza Do‘stmamatova
-55 kg: Dilshod Karimov
+70 kg: Umida Nig‘matova
-73 kg: Suhrob Abduqodirov
-81 kg: Muhammadali Sa’dullayev
-90 kg: Musurmonqul Ahrorov.