Robbi Seyvidj "Manchester Yunayted"ning himoyadagi o‘yinini tanqid qildi.
“Men “Yunayted”ni o‘tgan haftada “Brayton”ga (1:2) mag‘lub bo‘lganidan so‘ng tanqid qildim. Alexandro Garnachoning tizzasi bilan yo‘llagan zarbasini Joshua Zirkze beixtiyor boshqa tomonga yo‘naltirganida, gol ofsayd uchun bekor qilindi.
Ammo jamoa Joau Pedroning g‘alaba goli urilgan epizodda juda ham tartibsiz himoyalandi. 95-daqiqada “Brayton”ning ikki futbolchisini darvozadan besh metr uzoqlikda hech kim qo‘riqlamadi.
"Yunayted" Ten Xag qo‘l ostida qo‘shimcha bo‘limlarda 6 marta mag‘lubiyat golini o‘tkazib yubordi. Uning ushbu klubga tayinlanishiga qadar "mankunianlar" Premyer-ligada o‘tgan 30 yilda bu qadar ko‘p alamli gol o‘tkazib yubormagan edi.
Bu alamli statistika”, - dedi Seyvidj.
