Робби Сэйвидж "Манчестер Юнайтед"нинг ҳимоядаги ўйинини танқид қилди.
“Мен “Юнайтед”ни ўтган ҳафтада “Брайтон”га (1:2) мағлуб бўлганидан сўнг танқид қилдим. Алехандро Гарначонинг тиззаси билан йўллаган зарбасини Жошуа Зиркзе беихтиёр бошқа томонга йўналтирганида, гол офсайд учун бекор қилинди.
Аммо жамоа Жоау Педронинг ғалаба голи урилган эпизодда жуда ҳам тартибсиз ҳимояланди. 95-дақиқада “Брайтон”нинг икки футболчисини дарвозадан беш метр узоқликда ҳеч ким қўриқламади.
"Юнайтед" Тен Хаг қўл остида қўшимча бўлимларда 6 марта мағлубият голини ўтказиб юборди. Унинг ушбу клубга тайинланишига қадар "манкунианлар" Премьер-лигада ўтган 30 йилда бу қадар кўп аламли гол ўтказиб юбормаган эди.
Бу аламли статистика”, - деди Сэйвидж.
