«Barselona» yozgi transfer oynasida unchalik faol bo‘lmadi. Jamoa bor-yo‘g‘i 2 ta transfer amalga oshirdi - Dani Olmo «Leypsig»dan, Pau Viktor «Jirona»dan sotib olindi.

"Mundo Deportivo" nashrining yozishicha, "ko‘k-anorranglilar" prezidenti Joan Laporta 3 sentyabr, seshanba kuni klubning transfer oynasidagi harakatlarini tushuntirish va tahlil qilish uchun matbuot anjumani o‘tkazadi.

Jamoa moliyaviy qiyin ahvoldaligiga qaramay hozirda La Ligada 3 turdan so‘ng 100 foizlik natija ko‘rsatib, peshqadam bo‘lib turibdi.