Luis Suares MLS doirasidagi ketma-ket 2-o‘yinda dubl qayd etdi.

«Inter Mayami»ning 37 yoshli urugvaylik hujumchisi «Chikago Fayr»ga qarshi bahsda (4:1) 2 ta gol urdi.

Hujumchi mavsumning 20 ta o‘yinida 16 ta gol urdi, shundan 4 tasi so‘nggi ikki o‘yinda kiritilgan. E’tiborlisi, janubliklar endi jarohat olgan Lionel Messisiz o‘ynashmoqda.

Suares MLS to‘purarlik poygasi peshqadami Kristian Benteke (DiSi Yunayted", 23 o‘yinda 17 ta gol) va Kristian Arangodan ("Real Solt-Leyk", 24 ta o‘yinda 17 ta) bir gol ortda qolmoqda.