Луис Суарес МЛС доирасидаги кетма-кет 2-ўйинда дубл қайд этди.

«Интер Майами»нинг 37 ёшли уругвайлик ҳужумчиси «Чикаго Файр»га қарши баҳсда (4:1) 2 та гол урди.

Ҳужумчи мавсумнинг 20 та ўйинида 16 та гол урди, шундан 4 таси сўнгги икки ўйинда киритилган. Эътиборлиси, жанубликлар энди жароҳат олган Лионель Мессисиз ўйнашмоқда.

Суарес МЛС тўпурарлик пойгаси пешқадами Кристиан Бентеке (ДиСи Юнайтед", 23 ўйинда 17 та гол) ва Кристиан Арангодан ("Реал Солт-Лэйк", 24 та ўйинда 17 та) бир гол ортда қолмоқда.