Koreya Respublikasining Mungyong shahri mezbonlik qilgan dzyudo bo‘yicha Osiyo chempionatida muvaffaqiyatli qatnashgan O‘zbekiston yoshlar terma jamoasi ham yurtimizga qaytib keldi.
Islom Karimov nomidagi Toshkent xalqaro aeroportida delegasiyamizni O‘zbekiston dzyudo federasiyasi raisi o‘rinbosarlari Zafar Qahramonov, Atabek Ismailov, terma jamoalar menejeri Eldor Qahhorov va boshqa mutasaddilar kutib olishdi.
Ikki kunlik bellashuvlar yakuniga ko‘ra, O‘zbekiston yoshlar terma jamoasi 7 ta oltin, 3 ta kumush, 3 ta bronza, jami 13 ta medal bilan 17 davlat orasida umumjamoa hisobida 1-o‘rinni egalladi. Ikki kun davomida Koreya zaminida 7 bor davlatimiz madhiyasi yangrab, milliy g‘ururimiz hisoblangan bayrog‘imiz baland ko‘tarildi.
Osiyo chempionatida shohsupaga ko‘tarilgan dzyudochilarimiz:
Oltin medal sohiblari
-48 kg: Laziza Haydarova
-60 kg: Murodil Murodillayev
-66 kg: Zamohshari Bekmurodov
-70 kg: Barchinoy Qodirova
-78 kg: Shirinjon Yo‘ldosheva
-90 kg: Shahzodxo‘ja Sharipov
-100 kg: Muhammadsodiq Sodiqov
Kumush medal sovrindorlari
-66 kg: Dilshodbek Hamroyev
-73 kg: Hojiakbar Toshev
+100 kg: Fazliddin Rafikov
Bronza medal sovrindorlari
-52 kg: Muhayyo Ahmatova
-57 kg: Despina Bochkova
-81 kg: Mardon Ravshanov.
