Корея Республикасининг Мунгёнг шаҳри мезбонлик қилган дзюдо бўйича Осиё чемпионатида муваффақиятли қатнашган Ўзбекистон ёшлар терма жамоаси ҳам юртимизга қайтиб келди.
Ислом Каримов номидаги Тошкент халқаро аэропортида делегациямизни Ўзбекистон дзюдо федерацияси раиси ўринбосарлари Зафар Қаҳрамонов, Атабек Исмаилов, терма жамоалар менежери Элдор Қаҳҳоров ва бошқа мутасаддилар кутиб олишди.
Икки кунлик беллашувлар якунига кўра, Ўзбекистон ёшлар терма жамоаси 7 та олтин, 3 та кумуш, 3 та бронза, жами 13 та медал билан 17 давлат орасида умумжамоа ҳисобида 1-ўринни эгаллади. Икки кун давомида Корея заминида 7 бор давлатимиз мадҳияси янграб, миллий ғуруримиз ҳисобланган байроғимиз баланд кўтарилди.
Осиё чемпионатида шоҳсупага кўтарилган дзюдочиларимиз:
Олтин медал соҳиблари
-48 кг: Лазиза Ҳайдарова
-60 кг: Муродил Муродиллаев
-66 кг: Замоҳшари Бекмуродов
-70 кг: Барчиной Қодирова
-78 кг: Ширинжон Йўлдошева
-90 кг: Шаҳзодхўжа Шарипов
-100 кг: Муҳаммадсодиқ Содиқов
Кумуш медал совриндорлари
-66 кг: Дилшодбек Ҳамроев
-73 кг: Ҳожиакбар Тошев
+100 кг: Фазлиддин Рафиков
Бронза медал совриндорлари
-52 кг: Муҳайё Аҳматова
-57 кг: Деспина Бочкова
-81 кг: Мардон Равшанов.
