Klublar 2024 yilning yozida transferlar soni bo‘yicha mutlaq rekord o‘rnatishdi.

FIFA yozgi transfer oynasi yakunlari bo‘yicha hisobotini e’lon qildi. O‘tgan yozda butun dunyo bo‘ylab 11 mingta transfer qayd etilgan - bu tarixda har qachongidan ham ko‘p.

Erkaklar futbolida 2024 yilning yozida transferlarning umumiy qiymati 6,4 milliard dollardan oshib, tarixdagi ikkinchi eng yuqori ko‘rsatkich bo‘ldi. Ingliz klublari transferlar uchun eng ko‘p pul sarflagan - 1,6 milliard dollardan ko‘proq.

Ayollar futbolida 2024 yilning yozida 1125 ta transfer qayd etilgan - o‘tgan yilga nisbatan 30 foizga ko‘p. Barcha imzolanganlarning umumiy qiymati rekord darajadagi 6,8 million dollarni tashkil etdi.