Ispaniyaning «Sevilya» klubi vingeri Lukas Okampos Meksikaning «Monterrey» klubiga o‘tdi, deb xabar beradi «chiziqlilar» klubi matbuot xizmati.

Xabar qilinishicha, «Monterrey» 30 yoshli Okampos bilan 2027 yilning yoziga qadar uch mavsumlik shartnoma imzolagan. Bitim summasi 7,25 million yevroni tashkil etdi.

O‘tgan mavsumda Lukas Okampos «Sevilya» safida 45 ta o‘yinda maydonga tushib, 5 ta gol urdi va 4 ta golli uzatmani amalga oshirdi. Shuningdek, vinger Argentina terma jamoasi safida 12 ta o‘yin o‘tkazib, 2 ta gol urgan.