Испаниянинг «Севилья» клуби вингери Лукас Окампос Мексиканинг «Монтеррей» клубига ўтди, деб хабар беради «чизиқлилар» клуби матбуот хизмати.
Хабар қилинишича, «Монтеррей» 30 ёшли Окампос билан 2027 йилнинг ёзига қадар уч мавсумлик шартнома имзолаган. Битим суммаси 7,25 миллион еврони ташкил этди.
Ўтган мавсумда Лукас Окампос «Севилья» сафида 45 та ўйинда майдонга тушиб, 5 та гол урди ва 4 та голли узатмани амалга оширди. Шунингдек, вингер Аргентина терма жамоаси сафида 12 та ўйин ўтказиб, 2 та гол урган.
