Madridning “Real” klubining braziliyalik hujumchisi Vinisius Junior mamlakatda irqchilik bilan bog‘liq vaziyat o‘zgarmasa, Ispaniya 2030 yilgi Jahon chempionatiga mezbonlik qilmasligi kerakligini aytdi.
"2030 yilgacha bizda rivojlanish uchun juda katta imkoniyatlar mavjud. Shunday ekan, Ispaniya rivojlanib, insonni terining rangi tufayli haqorat qilish qanchalik jiddiy ekanini tushunib yetadi deb umid qilaman. Agar 2030 yilda vaziyat o‘zgarmasa, o‘ylaymanki, o‘yin o‘tkaziladigan joyni o‘zgartirish kerak bo‘ladi, chunki futbolchilar jahon chempionatida o‘zlarini qulay va xavfsiz o‘ynay olmaydi", — deya Vinisius so‘zlarini keltirmoqda Marca.
2030 yilgi Jahon chempionati Ispaniya, Portugaliya va Marokashda bo‘lib o‘tadi. Shuningdek, turnirning bitta ochilish o‘yini Urugvay, Argentina va Paragvayda o‘tkazilishi rejalashtirilgan.
