Мадриднинг “Реал” клубининг бразилиялик ҳужумчиси Винисиус Жуниор мамлакатда ирқчилик билан боғлиқ вазият ўзгармаса, Испания 2030 йилги Жаҳон чемпионатига мезбонлик қилмаслиги кераклигини айтди.
"2030 йилгача бизда ривожланиш учун жуда катта имкониятлар мавжуд. Шундай экан, Испания ривожланиб, инсонни терининг ранги туфайли ҳақорат қилиш қанчалик жиддий эканини тушуниб етади деб умид қиламан. Агар 2030 йилда вазият ўзгармаса, ўйлайманки, ўйин ўтказиладиган жойни ўзгартириш керак бўлади, чунки футболчилар жаҳон чемпионатида ўзларини қулай ва хавфсиз ўйнай олмайди", — дея Винисиус сўзларини келтирмоқда Marca.
2030 йилги Жаҳон чемпионати Испания, Португалия ва Марокашда бўлиб ўтади. Шунингдек, турнирнинг битта очилиш ўйини Уругвай, Аргентина ва Парагвайда ўтказилиши режалаштирилган.
