"Lokomotiv"ning sobiq yarim himoyachisi Anton Miranchuk faoliyatini "Ayaks"da davom ettirishi mumkin.

Sport Express xabariga ko‘ra, Niderlandiya klubi 28 yoshli yarim himoyachiga qiziqish bildirmoqda. Ta’kidlanishicha, “Ayaks” hozirda erkin agent bo‘lgan futbolchining Rossiya fuqaroligidan umuman uyalmayapti.

Miranchuk o‘tgan yozda “Lokomotiv”ni tark etgandi. Jamoa tarkibida u barcha turnirlarda 217 ta uchrashuvda maydonga tushib, 51 ta gol urdi va 34 ta golli uzatmani amalga oshirdi.

Nufuzli Transfermarkt portali ma’lumotlariga ko‘ra, yarim himoyachining narxi olti million yevro.