Fransiya terma jamoasi bosh murabbiyi Didye Desham Italiya terma jamoasining kuchi haqida gapirdi. Juma kuni fransuzlar va italiyaliklar Millatlar ligasining 1-turi doirasida "Park de Prens"da o‘ynashadi.
Desham so‘zlariga ko‘ra, Italiya terma jamoasi so‘nggi yillardagi muvaffaqiyatsizliklarga qaramay, ashaddiy raqib bo‘lib qolmoqda.
"Italiya jamoasi raqobatbardoshligicha qolmoqda. Spaletti ko‘plab o‘yinchilarni o‘zgartirishga majbur bo‘ldi, ammo Italiya Italiya bo‘lib qolmoqda. Biz uchun bu ruhan yaqin raqib, ko‘plab fransiyalik futbolchilar A Seriyada o‘ynashadi", - dedi murabbiy.
Fransiya - Italiya uchrashuvi Toshkent vaqti bilan 23:45da boshlanadi.
