Франция терма жамоаси бош мураббийи Дидье Дешам Италия терма жамоасининг кучи ҳақида гапирди. Жума куни французлар ва италияликлар Миллатлар лигасининг 1-тури доирасида "Парк де Пренс"да ўйнашади.
Дешам сўзларига кўра, Италия терма жамоаси сўнгги йиллардаги муваффақиятсизликларга қарамай, ашаддий рақиб бўлиб қолмоқда.
"Италия жамоаси рақобатбардошлигича қолмоқда. Спалетти кўплаб ўйинчиларни ўзгартиришга мажбур бўлди, аммо Италия Италия бўлиб қолмоқда. Биз учун бу руҳан яқин рақиб, кўплаб франциялик футболчилар А Серияда ўйнашади", - деди мураббий.
Франция - Италия учрашуви Тошкент вақти билан 23:45да бошланади.
