Yengil vazn (61 kg.gacha) toifasida o‘z janglarini o‘tkazib kelayotgan Merab Dvalishvili ijtimoiy tarmoqdagi sahifasida xabar qoldirdi.
Gruziyalik aralash yakkakurash ustasining fikricha, rossiyalik Umar Nurmagomedov chempionlik jangi uchun haqli emas ekan.
"U Top-15`dagi faqat bir yigit bilan jang o‘tkazgan. Kori Sendxagen unga yetarlicha muammo tug‘dira oldi. Qanday qilib unga reytingda ikkinchi o‘rinni berishdi? Ha, u g‘alaba qozondi. Yaxshi jangchi bo‘lishi mumkin, lekin chempionlik jangiga loyiq emas. Undan ko‘ra Figeyreduga bu imkoniyatni berish kerak. U uch nafar kuchli jangchilarni mag‘lub etib, bunga xaqli ekanini isbotladi", — dedi Dvalishvili.
