«Real Madrid» bosh murabbiyi Karlo Anchelotti futbol olamidagi yuqori bosimga munosabati haqida gapirdi.
«Siz nima qilishingiz kerakligi haqida aniq tasavvurga ega bo‘lishingiz kerak. Assistentlarni, futbolchilarni tinglash muhim... Bosim va stresssiz hayot bo‘lmaydi. O‘yinlar haqida qayg‘urishni to‘xtatgan kunim, futboldagi karyeramni tugatishim kerak bo‘ladi. O‘yin oldidan biz gol uramizmi yoki nimadir noto‘g‘ri bo‘ladimi degan xavotir doimo bo‘ladi. O‘yin boshlanganda hammasi to‘xtaydi. Turli vaziyatlarni yengish uchun xotirjamlikni izlash muhim», - deya Anchelotti so‘zlarini keltirmoqda "Marca".
