Madridning «Real» klubi Arda Gyulerning Turkiya terma jamoasi safida Uelsga qarshi o‘yinda olgan jarohatidan jiddiy xavotirda edi. Eslatib o‘tamiz, uchrashuv 0:0 hisobidagi durang bilan yakunlangan.
"Marca" xabariga ko‘ra, Gyuler jiddiy jarohatdan qutulib qolishga muvaffaq bo‘lgan. «Qirollik klubi» safarda «Real Sosyedad» bilan uchrashadigan Ispaniya chempionatining navbatdagi turida Ardaning maydonga tushishi hozircha noma’lum.
Gyuler joriy mavsum Ispaniya chempionatida 3 ta o‘yinda maydonga tushdi.
