Sevilya provinsiya sudi avvalroq qiz do‘stini zo‘rlaganlikda ayblangan «Betis» yarim himoyachisi Vilyam Karvalyuning ishini tugatishga qaror qildi. Bu haqda "ABC" xabar bermoqda.
Manbaga ko‘ra, sud futbolchiga qarshi da’vo qo‘zg‘atgan qizning ayblovlarini «asossiz» deb topdi, shuningdek, uning sodir bo‘lgan voqealar haqidagi versiyasi polisiyaning puxta tergovidan so‘ng ikki adliya organi tomonidan tahlil qilingan faktlarga zid ekanligini ta’kidladi.
Qiz avvalroq 2023 yil avgust oyida Karvalyu tomonidan jinsiy tajovuzga uchraganini aytgan edi. Qizga ko‘ra, hodisa mehmonxona xonasida sodir bo‘lgan.
