Hujumchi Muhammad Saloh kelasi yozda «Liverpul»ni tark etishi mumkin. Mersisaydliklar klubi hujum chizig‘ida misrlik futbolchini qanday almashtirish haqida allaqachon o‘ylamoqda. "Todofichajes" portali xabariga ko‘ra, «qizillar» avvalroq Angliyada «Manchester Siti»da o‘ynagan Leroy Sanega e’tibor qaratishgan.

Sanening «Bavariya» bilan amaldagi shartnomasi 2025 yilning o‘rtalariga qadar tuzilgan, ya’ni futbolchi erkin agent sifatida imzolanishi mumkin. Leroyga Saudiya Arabistoni klublari ham qiziqish bildirmoqda, ammo u Chempionlar ligasida o‘ynashni davom ettirishni afzal ko‘rmoqda. 28 yoshli Sane yana Premyer-ligada o‘ynashga qarshi emas.