"Real Madrid" yozgi transfer oynasida himoyachi Xesus Valyexo bilan xayrlashmoqchi edi. Bu haqda jurnalist Rodra xabar bermoqda.

Manbaga ko‘ra, "Los Blankos" 27 yoshli futbolchiga jamoani erta tark etishi uchun shartnomasining qolgan summasini to‘lashni taklif qilgan, biroq himoyachi rad javobini bergan. Aniqlik kiritilishicha, Valyexo "Real" bilan joriy mavsum oxirida tugaydigan shartnomasini to‘liq ishlab chiqmoqchi.

Valyexo 2015 yildan beri "Real"da o‘ynab kelmoqda. Bu vaqt ichida u asosiy tarkibda 31 uchrashuvda qatnashib, bitta gol urgan.