Fransiya terma jamoasining 33 yoshli hujumchisi Antuan Grizmann 2024 yilgi Yevropa chempionatidagi o‘z o‘yin saviyasi haqida fikrlari bilan o‘rtoqlashdi.
“Pozisiya va taktikada ko‘plab o‘zgarishlar bo‘ldi, bunga ko‘nikish kerak edi. Agar Niderlandiya darvozasiga ikkita gol urishga muvaffaq bo‘lganimda, o‘ylaymanki, Yevro men uchun boshqacha bo‘lardi (gap guruh bosqichining 2-tur uchrashuvi (0:0) haqida ketmoqda).
Pozisiya o‘zgargani meni g‘azablantirdimi? Bu murabbiyning taktik tanlovi edi, siz hamma narsani yoqtirmasangiz ham uni hurmat qilishingiz kerak.
Jamoa birinchi o‘rinda turadi. Biroq, bu mening eng yaxshi turnirim bo‘lmadi", - deya Grizmanning so‘zlarini keltiradi Telefoot.
