Myunxenning "Bavariya" klubining yangi bosh murabbiyi Vensan Kompani nemis grandida ishlashga yondashuvi haqida gapirdi. Belgiyalik mutaxassis g‘alaba qozonish madaniyati va klub rahbariyatining oldiga qo‘ygan maqsadlari haqida o‘z fikrlari bilan o‘rtoqlashdi.
- "Bavariya" rahbariyati oldingizga qanday maqsadlarni qo‘ygan? Chempionlar ligasidagi g‘alaba va chempionlik unvoni?
- Albatta, "Bavariya"dek klubda sovrinlar yutish kerak. Lekin bu men uchun yangilik emas. Men "Anderlext"da ana shu g‘alaba qozonish madaniyatida o‘sganman. APLda uchinchi eng kam byudjetga ega bo‘lgan "Byornli"da ham men har bir o‘yinda g‘alaba qozonishni xohlardim", - dedi Kompani La Dernière Heure bilan suhbatda.
Eslatib o‘tamiz, belgiyalik mutaxassis shu yilning yozida "Bavariya" bosh murabbiyi lavozimiga tayinlangan edi. O‘tgan mavsumda Kompani Angliya Premyer-ligasining 38-turidan so‘ng 24 ochko jamg‘argan “Byornli”ni boshqarib, 19-o‘rinni egallab, Chempionshipga tushib ketdi. 38 yoshli murabbiy qo‘l ostida "Byornli" barcha musobaqalarda 96 uchrashuvda qatnashib, 41 marta g‘alaba qozongan, 24 marta durang o‘ynagan va 31 marta mag‘lubiyatga uchragan.
