Мюнхеннинг "Бавария" клубининг янги бош мураббийи Венсан Компани немис грандида ишлашга ёндашуви ҳақида гапирди. Бельгиялик мутахассис ғалаба қозониш маданияти ва клуб раҳбариятининг олдига қўйган мақсадлари ҳақида ўз фикрлари билан ўртоқлашди.
- "Бавария" раҳбарияти олдингизга қандай мақсадларни қўйган? Чемпионлар лигасидаги ғалаба ва чемпионлик унвони?
- Албатта, "Бавария"дек клубда совринлар ютиш керак. Лекин бу мен учун янгилик эмас. Мен "Андерлехт"да ана шу ғалаба қозониш маданиятида ўсганман. АПЛда учинчи энг кам бюджетга эга бўлган "Бёрнли"да ҳам мен ҳар бир ўйинда ғалаба қозонишни хоҳлардим", - деди Компани La Dernière Heure билан суҳбатда.
Эслатиб ўтамиз, бельгиялик мутахассис шу йилнинг ёзида "Бавария" бош мураббийи лавозимига тайинланган эди. Ўтган мавсумда Компани Англия Премьер-лигасининг 38-туридан сўнг 24 очко жамғарган “Бёрнли”ни бошқариб, 19-ўринни эгаллаб, Чемпионшипга тушиб кетди. 38 ёшли мураббий қўл остида "Бёрнли" барча мусобақаларда 96 учрашувда қатнашиб, 41 марта ғалаба қозонган, 24 марта дуранг ўйнаган ва 31 марта мағлубиятга учраган.
