Belgiya terma jamoasi bosh murabbiyi Domeniko Tedesko Yevro-2024da Fransiya tomonidan turnirda chiqarib yuborili hamon uni bezovta qilayotganini tan oldi.

Dushanba kuni fransuzlar va belgiyaliklar Millatlar ligasida to‘qnash kelishadi. 1 iyul kuni jamoalar Yevropa chempionatining 1/8 finalida o‘zaro to‘qnash kelishgan va o‘shanda "uch ranglilar" g‘alaba qozongan – 1:0. Uchrashuv taqdirini 85-daqiqada Yan Vertongenning avtogoli hal qildi.

"O‘sha Yevro o‘yini qiyin kurash bo‘ldi, biz g‘alaba qozonishimiz mumkin edi. Fransiya biroz yaxshiroq va g‘alabaga loyiq edi, lekin bizda ham o‘z imkoniyatlarimiz bor edi. O‘sha o‘yinni unutdim desam, yolg‘on gapirgan bo‘laman. Xotiralar hali ham og‘riqli. Men tez-tez Yevropa chempionati haqida o‘ylayman, lekin biz oldinga qarashimiz kerak", - dedi Tedesko Fotmob bilan suhbatda.