Millatlar ligasining guruh bosqichi doirasidagi o‘yinda Shveysariya terma jamoasi Ispaniyadan 1:4 hisobida yirik hisobda mag‘lub bo‘ldi. Mezbonlar bosh murabbiyi Murat Yakin bu natija haqida gapirdi.
“Jamoa uchrashuv boshida yaxshi o‘yin ko‘rsatdi, biz tajovuzkor harakat qildik. Biz bitta golga hisobni qisqartirishga muvaffaq bo‘ldik. Jamoa hujumda imkoniyatlarga ega edi, ammo yakunda omad yetishmadi. Oxirida ko‘p tavakkal qilishga majbur bo‘ldik, shu sabab ikkita gol o‘tkazib yubordik. Biz Yevropa chempionlariga qarshi o‘ynadik, ular yaxshi himoyalanishdi va qarshi hujumlarda muvaffaqiyat qozonishdi”, — dedi murabbiy.
