"Real Madrid" "Bayer" bosh murabbiyi Xabi Alonso borasidagi rejalaridan voz kechmadi.
Ispaniyalik mutaxassis o‘tgan mavsumda matbuot Karlo Anchelottining Braziliya terma jamoasini boshqarishi haqida xabarlar chiqarayotgan paytda "Los-Blankos" boshqaruvidagi asosiy nomzodlardan biri hisoblangandi. Italiyalik murabbiy qoldi va "Real" bilan shartnomasini 2026 yilgacha uzaytirdi, shu bois Alonsoni taklif qilish masalasi o‘z ahamiyatini yo‘qotdi. Biroq, jurnalist Matteo Morettoning so‘zlariga ko‘ra, "qirollik klubi" Xabining "Bayer"dagi muvaffaqiyatini diqqat bilan kuzatishda davom etmoqda - Madrid hali ham uni Anchelottining kelajakdagi ideal vorisi deb biladi.
Bundan tashqari, manba ta’kidlaganidek, "Real" "dorishunoslar" yarim himoyachisi Florian Virsni faol kuzatib bormoqda. La Liga gigantlari, ehtimol, kelasi yozda yosh nemis yulduzining transferini amalga oshirishga harakat qiladi.
