Germaniya terma jamoasi bosh murabbiyi Yulian Nagelsmann darvozabon Mark-Andre ter Shtegenning o‘yini haqida fikr bildirdi.

“Ter Shtegen biz uchun juda muhim futbolchi, u Vengriyaga qarshi o‘yinda yaxshi o‘ynadi. Uning zimmasida katta mas’uliyat bor. Mart oyida u bilan bo‘lgan suhbatimiz [Noyerning Yevro-2024 ni asosiy darvozabon sifatida boshlashi haqida] unchalik yoqimli bo‘lmagandi, lekin u bizning qarorimizni hurmat qildi. Umid qilamanki, u sog‘-salomat bo‘ladi va ikki yildan keyin jahon chempionatida ishtirok etadi", - dedi Nagelsmann seshanba kungi Niderlandiya bilan o‘yin oldidan matbuot anjumanida.