Германия терма жамоаси бош мураббийи Юлиан Нагельсманн дарвозабон Марк-Андре тер Штегеннинг ўйини ҳақида фикр билдирди.
“Тер Штеген биз учун жуда муҳим футболчи, у Венгрияга қарши ўйинда яхши ўйнади. Унинг зиммасида катта масъулият бор. Март ойида у билан бўлган суҳбатимиз [Нойернинг Евро-2024 ни асосий дарвозабон сифатида бошлаши ҳақида] унчалик ёқимли бўлмаганди, лекин у бизнинг қароримизни ҳурмат қилди. Умид қиламанки, у соғ-саломат бўлади ва икки йилдан кейин жаҳон чемпионатида иштирок этади", - деди Нагельсманн сешанба кунги Нидерландия билан ўйин олдидан матбуот анжуманида.
