Angliya terma jamoasi va Myunxenning “Bavariya” klubi hujumchisi Xarri Keyn professional faoliyatida 901 ta gol urgan portugaliyalik Krishtianu Ronalduning yutug‘i haqida gapirdi.
"31 yoshda ham ruhiy, ham jismonan yaxshi formadaman... Lekin shunday futbolchilar borki, mendan ancha uzoqroq o‘ynab yuribdi, masalan, Krishtianu. Uning natijalari menga bu saviyada bir muddat qolishim mumkinligini isbotlashda yordam bergan", - deydi Keyn.
Avvalroq UEFA Millatlar ligasi “B” ligasi 2-guruhi 2-tur uchrashuvida Angliya terma jamoasi Finlyandiyani mag‘lub etgandi (2:0). Bu bahs Keyn uchun "uch sherlar" libosidagi 100-o‘yini bo‘ldi.
