Lionel Skaloni Argentina terma jamoasining Kolumbiyadan uchralgan mag‘lubiyati (1:2) haqida gapirdi.
Argentinaliklar JCH-2026 saralashi doirasidagi safar o‘yinida mag‘lub bo‘lishdi. G‘alaba golini 60-daqiqada Xames Rodriges penaltidan kiritdi.
“Kolumbiya terma jamoasini tabriklayman. Vaziyatdan kelib chiqib, yaxshi o‘yin ko‘rsatdik deb o‘ylayman. Biz borimizni berdik va g‘alaba qozonishimiz ham mumkin edi.
Biz yo‘qotishni yoqtirmaymiz. Ularning penaltidan urgan golidan keyin biz deyarli o‘ynamadik. Meni tashvishga solayotgan narsa shu.
Kolumbiyada ajoyib futbolchilar va yaxshi ishlaydigan tizim bor. Ularga qarshi mehmonda o‘ynash juda qiyin. O‘ylaymanki, bizda g‘alaba qozonish uchun imkoniyat bor edi, ammo buni uddalay olmadik.
Biz har doim to‘p orqasida harakat qilishga va darvoza oldida samarali bo‘lishga harakat qilamiz, bugun buni uddalay olmadik. O‘yindagi ba’zi narsalarni tuzatishimiz kerak", – dedi Skaloni.
