Superliga 21-turidan o‘rin olgan "Paxtakor" — "Dinamo" o‘yini 17-oktyabr kuni emas, 6-oktyabr kuni bo‘lib o‘tadi.
Mazkur masalada ikki klub o‘zaro kelishuvga erishdi va mazkur kelishuv Liga rejalariga salbiy ta’sir ko‘rsatmasligi inobatga olindi.
Paxtakor 21-oktyabr kuni Elit Chempionlar ligasi doirasida "Al Shorta" mehmoni bo‘ladi. Safardagi uchrashuv oldidan klub taqvimni yengillashtirish taklifini kiritdi. "Dinamo" esa bunga monelik qilmadi.
5-oktyabr kuni O‘zbekiston kubogining final uchrashuvi bo‘lib o‘tadi. 7-oktyabrda esa FIFA kunlari start oladi.
"Paxtakor" va "Dinamo" kubok finaliga yo‘l olmagani, ularga 6-oktyabr sanasida ham rasmiy uchrashuv o‘tkazish imkoniyatini beradi.
