Millatlar ligasidan o‘rin olgan Avstriya va Norvegiya o‘rtasidagi o‘yinda yarim himoyachi Kristof Baumgartner «Arsenal» sardori Martin Edegorni jarohatladi. Og‘riq ko‘z yoshlarini tiya olmagan norvegiyalik futbolchi maydonni tark etishga majbur bo‘ldi.

«Men Martin Edegordan chin dildan uzr so‘rayman. Bu fantastik futbolchini jarohatlash niyatim yo‘q edi! Unga eng yaxshi tilaklarimni va tezroq tuzalib ketishini tilayman! Yana kuchliroq qayt, Martin», — deb yozdi Baumgartner ijtimoiy tarmoqda. Edegor to‘pig‘idan jarohat olgani aniqlandi.

Norvegiyalik shifokorlarning fikricha, u kamida uch haftani o‘tkazib yuboradi.