«Roma» yana A Seriya o‘yinida g‘alaba qozona olmadi.
4-turda Daniele de Rossi shogirdlari «Jenoa» bilan durang o‘ynadi (1:1), ular qo‘shib berilgan 6-daqiqada gol o‘tkazib yuborishdi – Artyom Dovbikning goliga Koni de Vinter javob qaytardi.
Mavsum boshidan buyon «Roma» o‘tkazilgan 4 uchrashuvning birortasida ham g‘alaba qozona olmadi – rimliklar uch marta durang o‘ynadi va «Empoli»ga mag‘lub bo‘ldi (1:2).
Italiya chempionatining navbatdagi turida «Roma» o‘z maydonida «Udineze»ni qabul qiladi. Rimliklar hozirda 16-o‘rinni egallab turishibdi va jadvalda yana ham pastroqqa tushishlari mumkin.
