«Рома» яна А Серия ўйинида ғалаба қозона олмади.
4-турда Даниэле де Росси шогирдлари «Женоа» билан дуранг ўйнади (1:1), улар қўшиб берилган 6-дақиқада гол ўтказиб юборишди – Артём Довбикнинг голига Кони де Винтер жавоб қайтарди.
Мавсум бошидан буён «Рома» ўтказилган 4 учрашувнинг бирортасида ҳам ғалаба қозона олмади – римликлар уч марта дуранг ўйнади ва «Эмполи»га мағлуб бўлди (1:2).
Италия чемпионатининг навбатдаги турида «Рома» ўз майдонида «Удинезе»ни қабул қилади. Римликлар ҳозирда 16-ўринни эгаллаб туришибди ва жадвалда яна ҳам пастроққа тушишлари мумкин.
